Finlandiar hezkuntza

Finlandiar hezkuntza from bashirlazahar

Finlandiako Lehen Hezkuntzan ikasleek ia arlo guztietan irakasle berberarekin aritzen direnez, ez dituzte irakasle berriak ezagutu behar, beraz, ez dute irakasle bakoitzarekin beharrezkoa den konfiantza berriz lortu behar, umeen maila akademikoa hobetuz. Horretaz gain, Finlandian, familiek asko laguntzen dute ikasleen hezkuntzan. Horren adibide gisa bertako familiek liburutegira joateko duten ohitura baino azpimarratzea ez da behar, izan ere, familien %80 liburutegira joaten dira umeen hezkuntza hobetu nahian. Aipatzekoa da baita ere, estatuak izugarrizko diru laguntzak ematen dituela hezkuntza sistemari. Aipatutako guztia aurrera eraman ahal izateko irakasle onenak bilatzen dira, hori dela eta, hezkuntza ikasketetan murgiltzen diren guztien artean bakarrik %10 lortzen dute hezitzaile bilakatzea.

Finlandia Espainiarekin alderatuta askoz txikiagoa denez, herritarren arteko kohesioak eta homogeneotasunak garrantzi handia dute haien hezkuntza oparoan. Oparotasun hori Errusiarren menpe zeudenean nortasun nazionala lortzeko hezkuntzari eman beharreko garrantziari dagokio. Bestalde, estatua (nahiz eta dirua eman) ez da ikastolen planifikazioaz arduratzen, udaletxeak, ordea, zeregin handia du hezkuntzaren planifikazioan. Gainera, udaletxeak zuzendaritzan konfiantza handia erakusten du. Finlandiarrek irakurmenean eta matematikan oinarritzen dute haien hezkuntza eredua. Haurrek telebista edo filmak ikusten dituztenean azpitituluak erabiltzen dituzte eta horiek euren hizkuntzan soilik izaten dira. Ondorioz, ikasleak horiek irakurtzera behartuta daude. Diapositibetan aipatzen den bezala, horrek zerikusia handia du haien hezkuntzaren arrakastan.

Horretaz guztiaz gain, Finlandian ikasgaiaren eta ikasleen mailaren arabera moldatzen dituzte ikasgelak. Esate baterako, matematikak eta hizkuntzak lantzeko, taldeak erdira murrizten dituzte eraginkorragoak izateko. Lan indibidualari garrantzi handia ematen diote eskulanen kasuan eta talde txikiak egiten dituzte baita ere tailerrak lantzeko. Gainera, Finlandian liburutegi sare oso aberatsa eta konplexua dago ikasleen beharretara egokituta. Irakasleak oso independenteak dira bertan, eta ez dute beraien artean lan egiteko inolako ohiturarik, hau da, ez dute talde lanean aritzeko usantzarik.

Bukatzeko, esan beharra dago, Finlandiarrek ez diotela gu bezain garrantzi handia ematen Haur Hezkuntzari. Aipatutako azken etapari dagokionez, Euskal Herrian lan gehiago egiten dugu haurrekin arlo pedagogiko zein sozialetan.