KOMUNIKAZIO ERAGINKORRA

Bideo humoretsu honek, oso erabilgarria iruditu zaigu hezkuntzan berebizikoa den alor baten gainean hausnartzeko: komunikazioa. Komunikazioa, denok dakigun bezala, bizitzako arlo guztietan ezinbestekoa denez,  hezkuntzan ere presenta dago. Komunikazio bide ezberdinak daude (keinuak, idatziak, begiradak...) eta horietako guztiak gure geletan presente dauden arren, berbala da gehien erabiltzen dena, hau da, hitz eginez egiten dena.

Etorkizuneko irakasle gisa asko zaindu behar dugu komunikazio hori eta, eraginkorra izan dadin, guk igarotzen dugun mezua eta gure ikasleek jasotzen duten mezua berdina dela baieztatu behar dugu. Argi dagonez, interpretazio ezberdinak egon daitezke, baina horrela izanda ere, igorritako mezua hartzaileak era egoki batean jasotzen duela baieztatu behar dugu. Horretarako bide ezberdinak erabiltzea posible izan daiteke: galderak, ariketak... Etorkizun batean, eskola baten barruan lan egiten egongo gara, beraz, talde ezberdinen barruan lan egitea beharrezkoa izango da.  Hori kontuan hartzea berebizikoa iruditzen zaigu, izan ere, erabiltzen dugun hizkuntza hartzaileen arabera egokituta egon beharko da. Horrekin ez dugu esan nahi ikasleen haurrean hizkuntza sinpletu behar dugunik, baizik eta, ikasleen aurrezagutzak kontuan hartzea beharrezkoa izango dela gaizki ulertuak ez egoteko eta aurretik aipatu duen komunikazio eraginkor hori bermatzeko.

Ezin dugu ahaztu ikasleek garatu beharreko konpetentzien artean komunikazio eraginkorra dagoela, beraz, garapen hori eman ahal izateko eredu bilakatu behar gara hezitzaileak, izan ere, ikasleek imitazioz ikasten dute.